祖記薩唔起敲「讓球和」
2012/10/02文:笛子波童
歐聯E組賽事，意甲祖雲達斯主場迎戰烏克蘭勁旅薩克達，兩軍今季於國內賽事所向披靡，可以全力博殺爭出線。薩克達名氣雖然不及對手，但踢法機動實而不華，祖記未必可以想像中贏得咁輕鬆，預計主隊贏一粒機會高，建議捧「讓球和」。

薩克達聯賽10連勝超堅
祖雲達斯首輪分組賽作客車路士於落後兩球劣勢下逼和對手，充分顯示球員嘅不死鬥志，事實上佢哋於意甲已經保持跨季四十五場不敗，以目前球員信心及狀態，想佢哋喺主場輸波的確唔易。不過薩克達亦唔係弱者，本土聯賽開季至今十戰全勝，戰績拍得住祖記，而且佢哋首輪分組賽擊敗此組最弱嘅洛斯查蘭特，目前三分在手更加唔怕同你鬥攻，要在祖記身上取得入球並非天方夜譚。

論人腳及後備兵源，祖記牌面上的確稍勝一籌，不過薩克達近年屬歐洲賽常客，大賽經驗絕對唔差得過對手，睇番佢哋上屆分組賽雖然包尾出局，三場作客從未輸多過一球，祖記防線並非牢不可破，薩克達絕對有破關之力，波童認為祖記今場好大機會贏一粒，除咗捧主W之外，亦可小敲3.4倍「讓球和」。