今晚歐霸盃，Anton同大家研究其中三場有比利時同俄羅斯球隊嘅比賽，分別係反亨克，捧布魯日同安治。

先講G組瑞士巴素利主場對比利時亨克，亨克喺歐霸分組賽首戰清脆咁以3比0輕取維迪奧頓，球隊崇尚進攻足球，喺比賽中製造大量攻門機會，佢哋喺比甲聯賽亦兩連勝，不過Anton今仗睇低佢哋，亨克論級數同歐戰經驗都遠不如巴素利，主攻踢法遇上強隊實在太容易失波，作客演出亦遠不及主場。而最致命嘅係今仗亨克隊長兼防線支柱西馬伊斯因傷缺陣，今場作客唔夠巴素利踢，Anton撐1.57倍主Ｗ。

跟住講D組比利時布魯日主場對葡萄牙馬里迪莫，布魯日分組賽首仗作客淨吞法國波爾多四蛋，除咗技不如人外，該役陣容亦不整，不過目前傷兵情況已經大有改善，佢哋今季喺比甲保持不敗之餘仲有多場入兩球以上，箭頭巴卡更加處於巔峰狀態。為咗研究呢場波，Anton睇咗馬里迪莫剛周日對科英布拉大學嘅葡超聯賽，馬里迪莫主場淨吞兩蛋，無論級數同狀態都冇乜睇頭，今場我捧1.8倍布魯日主Ｗ。

此外，A組俄羅斯富豪球會安治主場對瑞士年青人，安治近期打破辛尼特、莫斯科中央陸軍、斯巴達同火車頭多年來壟斷，成為俄超新一哥，令佢哋整個韃靼斯坦共和國地區興奮如狂，佢哋對歐霸充滿熱