今晚Louis繼續推介三場大盤，當中重心出擊場合係J組意大利拉素主場對斯洛文尼亞馬里博爾，兩支球隊嘅大盤經常都能夠為Louis帶來可觀盈利，今仗再撐1.72倍入球大。

拉素今季開得好，聯賽六戰四勝，首場歐霸分組賽作客摸和熱刺亦係好賽果，最重要係佢哋踢出好爽朗嘅進攻組織，靴蘭尼斯同高路斯喺聯賽表現相當醒神，而且佢哋亦好重視歐霸盃，主場會排出唔錯陣容爭勝。

馬里博爾近年統治斯洛文尼亞國內聯賽，本土聯賽十勝二和保持不敗，今季僅於歐聯外圍賽輸過畀薩格勒布戴拿模，但降格歐霸就惡氣十足，分組賽首仗主場三球大炒實力分子彭拿典奈高斯盡顯實力，今仗佢哋挾各項賽事六連勝強勢而臨，作客意大利唔係遊埠咁簡單。

拉素同馬里博爾都係進攻足球支持者，主隊近六場比賽有四場開大，客軍近六仗五大，大盤係今場投注首選。

拉素大 ★★★★★

維迪奧頓大 ★★★

科英布拉大學大 ★★★