德甲焦點戰拜仁慕尼黑主場對賀芬咸，拜仁剛於歐聯作客白俄羅斯慘敗而回，急需一場漂亮勝仗提升士氣，遇上揚言重新集中精神應戰嘅賀芬咸預期係大手交易，入球大細中位數調整到3.5球照捧大盤。

拜仁周中歐聯作客以1比3敗於巴迪腳下，終止了開季後9連勝強勢，今晚矢志要喺主場重拾自信，傷愈嘅洛賓同副隊長舒韋恩史迪加雙雙復任正選，基於踢完今仗將進入國際賽周，無後顧之憂下將傾力爭取大勝發洩。

賀芬咸近況本來亦全面回勇，但上輪主場對奧格斯堡之前傳來噩耗，年輕中場波利斯胡錫域車禍命危，令球隊無法集中精神比賽，最終遭對手悶和。賽後會方體諒球員心情，將原定本周一同周二操練取消，畀佢哋陪伴家人同清醒頭腦，雖然胡錫域因頭部重創至今仍然昏迷，但主