愛華頓喺今季英超奇兵突出，有賴於球員狀態好，踢法有效率，今晚作客韋根，仍然值得睇好。不過始終係客場作賽，預料「拖肥糖」唔會太冒進，好大機會小勝一球。「讓球主客和」愛華頓讓一球，不妨冷敲「讓球和」，博取更高回報。

愛華頓現時仍排聯賽第二位，的確令人意外，相信球隊上下季前亦估唔到可以獲得呢成績。不過「拖肥糖」始終係中型班，人腳有限之下，難以用輪換制，唔可能場場搏盡，否則下半季隨時後勁不繼而前功盡廢。領隊莫耶斯當然明白呢點，所以今仗遇上實力較弱嘅韋根，應會減慢行軍速度，務求控制戰局，取得三分已足夠，唔需要大勝，最緊要唔好踢殘班主力。

至於韋根雖然聯賽三連敗，但除咗吞曼聯四蛋外，另外兩場敗仗只係小負一球，尤其係上仗有中場祖迪高美斯被逐，最終輸0比1畀新特蘭已算有交代。韋根今仗遇上強勢嘅愛華頓，好可能再落敗，但畢竟係主場出擊，即使輸，亦唔想輸得太難睇，好可能一球分勝負，「讓球和」賠率高但唔易中，今場可謂屬於少有嘅良機。