法國拍跳日本歎細界
2012/10/12文:笛子波童

法國今晚世界盃外圍賽輪空，特別於主場約戰亞洲勁旅日本進行拍跳。由於法國下周世盃外圍賽需要作客硬撼西班牙，今仗鬥日本隨時Hea踢，綜合埋兩軍近年熱身賽成績，波童認為入球細係今場投注首選。

法國身處世界盃歐洲區外圍賽I組，最大敵人係應屆盟主西班牙，嚟緊周三凌晨法國便會作客西班牙，全國上下都非常重視呢場關鍵戰役，如果今場能夠擊敗日本，當然可以增強士氣及信心，不過更大可能見到嘅情況係，法國領先後不思進取，保留體力應付下仗，故此唔好期望主隊可以踢出水銀瀉地嘅進攻足球。

日軍召海外兵有得撼
日本喺呢兩輪國際賽檔期唔使應付世界盃外圍賽，輕裝上陣壓力細得多。日本今次徵召一眾海外兵，包括本田圭佑、香川真司、長友佑都及乾貴士等，