周一凌晨繼續有巴甲賽事舉行，前列球隊明尼路主場對利斯菲體育會。雖說明尼路與榜首球隊富明尼斯有九分距離，但聯賽尚未結束，點會咁快就放棄爭標。同樣要爭分嘅包括利斯菲體育會，佢哋要為護級而努力，如比較起兩隊質素及近態，今場明尼路贏波機高，「讓球主勝」可睇好。

明尼路上輪聯賽以○比三不敵國際體育會，演出當然令人失望。但要了解明尼路專踢主場波，聯賽主場不敗兼且主勝率接近八成，揸住呢個賽績已經嚇窒利斯菲體育會。睇番明尼路最近一次主場比賽，對手同樣係護級分子費古倫斯，當日明尼路當對手冇到，憑藉朗拿甸奴大演帽子戲法，終以六比○狂勝。今次明尼路又喺主場遇上另一支護級球隊，話唔定又一次大勝而回。