曼城仲有兩個機會
2012/11/06文:黃興桂

歐聯分組賽去到第4輪比賽，死亡D組曼城再鬥阿積士。上次阿積士憑主場之利擊敗曼城，今次輪到曼城有地利，Peter都睇好呢支英超冠軍可以報回一箭之仇。但就算曼城順利贏波，出線16強都係得兩個機會——就係渺茫機會同埋冇機會。

不知團隊為何物
文仙尼踢而優則教，亦曾經帶領隊國際米蘭及曼城贏得聯賽冠軍，但好奇怪，文仙尼就好似中咗歐聯魔咒咁，只得參與但冇份爭標。其實足球嘅嘢未必咁邪門，只係好多內在因素畀大家忽略，曼城係一支用大量金錢急促堆砌嘅球隊，Peter承認佢哋確有好多高質素球員，但與其他傳統勁旅比較，就缺少咗一套完整嘅青訓系統，亦冇輝煌歷史去支持。