曼城「讓球和」有數維
2012/11/17文:山度士
周末晚英超賽事，進行衞冕嘅曼城主場對阿士東維拉。兩支球隊於上個球季曾三度對賽，曼城取得兩勝一和佳績，唯一打和賽事就係聯賽盃。數據上曼城的確佔優，度士亦唔會懷疑曼城可以贏波，但對於大勝就有少少保留。講到尾曼城後防唔係咁穩陣，維拉隨時可以攻入對方大門。而今場喺「讓球主客和」項目方面，曼城要讓到兩球咁多，度士推介賠率較高嘅「讓球和」。

維拉近況稍有好轉
維拉今季成績令人失望，但好彩近期已有些微好轉。除咗話連續兩場作客贏波之外，上輪聯賽惡鬥「紅魔鬼」曼聯亦有唔錯演出，若非曼聯前鋒小豆突然神勇，維拉未至於跌晒三分。而主隊曼城喺歐聯演出差，晉級十六強機會較微，唔排除會將所有力量放番落英超當中，今場未必會留力。惟結合曼城近期走勢以及陣內幾位進攻球員嘅狀態，贏兩粒機會較高，「讓球和」好分頭博得過。