近排英超嘅焦點，肯定喺車路士身上。上周六韋斯咸對車路士嗰場波，相信大家都想睇吓賓尼迪斯能否打開勝利之門。

起初睇落係威係勢o架，進攻踢得流暢，仲喺13分鐘就領先，點知下半場竟然完全走樣，仲畀韋斯咸連入3球反啅！賓尼迪斯上「車」後，已經連續三場贏唔到，球隊本身就更加係聯賽七輪不勝，我都戥賓帥擔心，唔知佢可以坐得幾耐﹗

今晚車路士會踢歐聯分組賽最後一輪，佢哋依家喺E組形勢危殆，真係令人頭赤。今晚對手係丹麥嘅洛斯查蘭特，車仔為免成為首支喺歐聯分組賽出局嘅衞冕球隊，呢場一定要贏，亦都要另一邊廂嘅薩克達幫手砌低祖雲達斯，咁車仔先可以出線，延續歐聯衞冕之路！雖然車路士近況低迷，近4場聯賽主場只係贏到1場，但踢歐聯又唔同，喺史丹福橋踢過2場分別對祖雲達斯同薩克達又可以保持不敗喎！至於對住洛斯查蘭特，首回合作客就更係淨勝4球添！所以今晚返到主場再對過，為爭出線，賓帥為爭開齋，車仔士氣一定高過對手。

對手洛斯查蘭特今屆歐聯踢咗5場，錄得1和4負未贏過，當中仲要狂失16球，平均每場失3球有多，防守意識咁差，呢場真係好難睇好佢哋有咩作為，加上近況又唔穩定，近十場作客只贏過三場。睇番賠率，車仔半場主勝賠率太熱，「讓球主客和」又開「-2」，穩陣起見，我都係揀個半場入球大嘞！

車路士 半場大