日本兵食硬大洋洲代表

其實今晚三箭贏就贏硬，睇吓贏幾多球！佢哋貴為本年度日職冠軍，上星期先啱啱收咧，實力同狀態自然唔差。前鋒佐藤壽人正正係陣中星中之星，貴為出爐聯賽MVP兼神射手，今季射入22球，話唔定呢個強勢可以延續到世冠盃，仲有森崎浩司同石原直樹都係陣中數胡人物，今晚喺自己地頭出賽，三箭當然要踢番場好波報答球迷。

至於佢哋對手奧克蘭，好似前段所提都只係志在參與啦！如果唔係澳洲足協脫離大洋洲轉入亞洲區，新西蘭嘅奧克蘭應該呢世都冇機會代表大洋洲出到國際舞台。基本上若然真係有番咁上下實力，喺新西蘭搵食嘅球員都已經加盟咗威靈頓鳳凰，大家試諗吓鳳凰喺澳職嘅實力，再睇睇澳職球隊喺亞冠戰績，就知道佢哋同蔚山現代或三箭實力差距有幾大，誇啲講，比起地球同冥王星嘅距離仲要遠呀！佢哋上屆對柏雷素爾「輕鬆」淨吞兩蛋，相信今晚仍然係一場大人恰細路嘅比賽，三箭要留力都勒唔住，捧佢哋大勝啦！

年度之波三箭大勝
前身係洲際盃嘅世界冠軍球會盃今日開鑼，呢項一年一度盛事今屆繼續喺日本舉行，自從05年改制後，幾乎每年決賽都係由歐洲對南美冠軍，基本上其他球隊都只係陪跑分子，不過參加國際足協呢個畀面派對都唔錯，既可搵錢亦可以趁機遊吓埠！當然，小妹希望今年有啲新意，希望東道主廣島三箭能夠殺入決賽，今晚佢哋對新西蘭代表奧克蘭屬年度必捧嘅上盤賽事，睇好三箭大勝。

Kit 推介：廣島三箭 讓球主勝