緬恩斯冇heart爭盃
緬恩斯近況出色，近4場聯賽贏咗3場，已經搶咗史浩克嘅聯賽榜第6位置，不過作客向來係緬恩斯弱項，今季9場作客聯賽只曾兩勝，近4場作客輸3場，而且杜曹係德甲一眾教頭之中最唔重視德國盃嘅一個，近三屆德國盃竟然全被低組別球隊盧比克、亞琛同基爾淘汰出局，今晚作客相信唔會阻史浩克反彈囉！

史浩克熱W過關佳品
今晚德國盃早場仲有場較受關注嘅史浩克04主場對緬恩斯，史浩克近6場聯賽只得2分，最終導致教練史堤芬斯被炒，今仗由替工教練贊斯基拿領軍，黑柴相信對球隊士氣會有正面幫助，足以贏到啱啱喺聯賽榜過咗佢哋頭嘅緬恩斯，若嫌主Ｗ得1.54倍太熱，可以用嚟玩過關。

今場波最有趣嘅地方係緬恩斯教頭杜曹一直係史浩克心儀對象，上季中佢哋原本諗住搵杜曹執教，但呢位少帥唔想喺季中離開緬恩斯，史浩克至搵史堤芬斯頂上，如今一般估計，如果贊斯基拿喺今季冇突破表現，杜曹下季好大機會會加盟。贊斯基拿今年夏天至加入史浩克教青年軍，但之前喺史特加都做過替工，佢上任後第一時間搵球員傾偈，大營氣氛截然不同，今晚主場出擊，相信史浩克眾將會踢爭氣波，務求令史堤芬斯難堪。