曼聯利物浦齊吼大
同日英超一哥曼聯主場對紐卡素，「紅魔鬼」上次對史雲斯打得好，贏唔到唔抵，呢班波攻力好犀利，今次對住「喜鵲」有機會大勝，大盤值得留意。另外，利物浦忽龍忽蟲，上場贏得精彩，今次作客史篤城未必可以保持水準，呢班波入得失得，呢場不宜玩盤，要入球大更佳！

西布朗回勇唔赦QPR
歐洲大部分聯賽進入歇冬期，家陣獨沽一味得番英國波玩，今晚仍然好熱鬧，但快車期變數多，只宜小注。肥叔重心場次都係揀場英超，昆士柏流浪主場對西布朗，ＱＰＲ已經冇咗新帥效應，今場讓波絕對唔抵玩，一於要西布朗下盤！

ＱＰＲ早前終於開齋，多得新帥夏利列納帶起班波，不過，佢哋現階段仲係唔齊腳，要持續反彈有難度，睇怕都要等到一月再買人先掂。不過，受到夏利叔效應影響，莊家呢期都係睇好ＱＰＲ，今戰對住中上游球隊西布朗都要讓波，個盤絕對唔抵玩，特別係西布朗近況已經好番，計級數點都高過對手，受讓着數，要下盤！