周日英超上演雙料娛樂，頭場有曼聯主場對利物浦；凌晨由阿仙奴對曼城。好多球評家都覺得，呢類強與強對撼場合，球迷大可以忘記所有數據、近績及狀態。事關大家都會為名為利而拚盡所有，強大爭勝意欲足以蓋過所有參數。

曼城兵工廠「五五波」
就好似頭場曼聯對利物浦，「紅魔」喺主場作賽係有着數，但對住利物浦的話，Peter就有少少保留。今季熱刺曾經作客贏過曼聯，如果羅渣士帶領嘅利物浦可以發揮出最高水平，隨時可以同曼聯打成均勢，和波超過3倍值得一試。至於尾場阿仙奴對曼城亦有類以情況，「兵工廠」今季演出反覆，而曼城團結性不足令球隊打折扣，綜合正反因素，此戰其實都係五五波。

至於投注策略方面，今晚一於刀仔鋸大樹。先揀個和波過關二串三，再補多條二串三波膽，兩場都係開一比一。

金句：雙料娛樂，賠率至上。膽博膽，博和為上着