南非配套不斷升呢

南非經過2010年舉辦過世界盃決賽周後，事隔幾年今屆再次舉辦非國盃，再一次證明該國確實有能力舉辦任何一項世界足球大賽。無論係球場質素、任何配套設施、傳媒資訊方面，都做得比上一屆在加蓬和赤道畿內亞更好。

在開幕當日，當地還下着大雨，在揭幕戰時發現球場的去水系統的確做得唔錯，完全沒有出現積水情況，再者球場草質方面亦保養得宜，並間接地沒有影響雙方隊員在場內發揮，很多時候有球隊輸波就會賴地硬，但是頭兩場比賽都係和波收場，無人輸波，所以大家都無藉口話球場有甚麼不是。

現在的社會日益繁榮，現時非常流行的Apps也有非國盃蹤影，大家也可以隨時隨地可以睇到非國盃的最新消息，包括比賽資訊、現場比分、即場陣容等包羅萬有，統統都唔馬虎，值得一讚。賽前我一直擔心的是球證執法水準，現在已經打完幾場比賽，暫時可以見到球證的水平有進步，希望他們能夠一直保持落去。