佛得角有驚喜嗒得洛
今屆非國盃首輪頻頻爆冷，喺揭幕戰一鳴驚人嘅佛得角，今晚A組次輪賽事在南非德班出戰褪色勁旅摩洛哥。摩洛哥核心球星查馬克同泰拉拔冇入選，對球隊進攻組織大受影響，佛得角雖名不見經傳，但擅打整體戰，其中外流法甲嘅文迪斯達加卡表現突出，加上摩軍近屆分組賽成績極曳，佛得角絕對有力搶分，1.85倍「讓球客勝」捧得過。

相信大家對佛得角認識唔深，但原來好多球員都外流荷甲、葡超、法甲等聯賽，水準有番咁上下。該隊除咗喺外圍賽淘汰有伊度奧壓陣嘅喀麥隆，揭幕戰對住東道主南非亦毫無懼色，由於該隊防守嚴密，突擊銳利，特別係効力法甲里爾嘅前鋒文迪斯達加卡最sharp醒，其飄忽走位、盤球突破、飛快速度，搞到南非防線團團轉，最後贏唔到有啲唔抵。

摩洛哥冇料到讓唔起
摩洛哥雖有費倫前鋒艾咸達奧及基達菲小將巴拉達撐住，星味比佛得角濃得多，可惜打落卻係散兵游勇，這同兩大進攻核心查馬克及泰拉拔冇歸隊參賽不無關係。睇番紀錄，摩洛哥近四屆有三次殺入決賽周，然而三次均喺分組賽行人止步，錄得2勝2和5負劣績，加埋首仗悶和安哥拉嘅表現，令人懷疑球員嘅爭勝心，面對想爭出線博上位嘅佛得角唔係贏梗，後者既然有得受讓，「讓球客勝」值得追多鋪。