佛得角出線熱血沸騰
今屆非國盃較引人入勝之處，係踢完次圈賽事後，只有一隊可穩獲出線八強資格。同過往情況明顯不同，就係戰況變得更加激烈。

每組嘅積分形勢都非常緊張，A組最後一輪戰況亦相當激烈，球賽未完結前都未知邊支球隊能夠出線。尤其賽事進行至完場前十分鐘，可以話入球停不了。

南非對摩洛哥一戰入球梅花間竹，當戰至80分鐘時雙方仍踢成一比一，但摩洛哥之後成功破門領先，以為出線在望之際，南非在86分鐘追和二比二，當時如果兩場比賽戰果不變，南非同摩洛哥就可攜手出線。

補時絕殺摩洛哥
不過，佛得角補時階段入波以2比1反勝安哥拉，球隊可說由地獄回到天堂，並且一腳踢摩洛哥出局。更令人津津樂道，係整個比賽過程令球迷看得血脈沸騰同異常刺激，出線變數亦相當大。所以分組賽最後一輪賽事，大家不能錯過！