昆士柏鐵桶做曼城「細」界
另一場英超，昆士柏流浪主場再擺鐵桶陣迎曼城，入波唔慌多！QPR上仗盃賽失四粒，只因玩輪換出事，今場出番賴恩尼爾遜等大將，曼城缺耶耶托尼唔易啃。主隊近期鬥車仔、熱刺都守得住，捧細！

夏利叔能縱橫英倫球壇咁耐，絕對唔係得個名，而係有真材實料。佢接手QPR後，防守簡直脫胎換骨，作客贏車仔1比0、同熱刺互交白卷，就係靠鋼鐵防守搶分。上仗盃賽慘敗予米爾頓凱恩斯，只因收起賴恩尼爾遜、曉爾同奧奴夏，今場各師兄弟歸位決心死守，曼城要大炒好難。

曼城近期戰績回穩，但後防重心高柏尼肯定缺陣，拿斯達錫亦極可能倦勤，中場又冇耶耶托尼支撐，整體戰鬥力有所下降。球隊近三場都開細，今戰繼續追！