科隆衝德甲撲擊FSV

德乙FSV法蘭克福主場對科隆，客軍係目前德乙最強勢球隊，經過近11仗6勝5和不敗佳績，已經由護級邊緣殺上力爭升班位置，今晚面對打風流波嘅主隊勝算高，科隆小讓平半捧上盤。

科隆喺去年9月仲處於降級區，但目前已殺上第4位，僅落後第3位嘅凱沙羅頓3分，睇走勢升班機會相當樂觀，佢哋成功全賴換啱教頭，前聖保利主帥史坦歷斯羅斯基嘅用人同戰術部署，將球員嘅潛力盡情發揮，科隆歇冬後4戰3勝1和走勢更強，態勇心雄自然每戰必拚。

FSV法蘭克福風流波
FSV法蘭克福位列中游，球隊演出穩定但欠缺球星同殺着，目前既不愁降班亦唔使旨意爭升班，搶分意欲唔及科隆，佢哋歇冬後狀態亦較差，雙方上月都啱啱作客對完聖保利，科隆贏1粒但FSV就淨吞3蛋，Macot認為科隆球員質素同戰意都勝一籌，上盤捧得過。