日本正氣炒起加拿大
今日係國際賽期，我哋有線都有直播賽事。早段大家可以睇睇日本對加拿大嘅熱身賽先，呢場見歐洲莊家開出主勝1.38倍左右，好熱喎；而本地莊家就開讓一球/球半嘅盤，日本隊一向畀我印象都較為正氣，咁一於捧馬會個「讓球主勝」啦！

日本喺世界盃外圍分組賽B組，依家以十三分遙遙領先，排第二嘅澳洲先至得五分，下周中日本喺外圍賽作客約旦無乜壓力，但若果贏波嘅話，就差唔多肯定可以殺入出年決賽周。今晚趁國際賽期，佢哋都約「魚腩」加拿大熱吓身。

今次日本大軍裏面有八個球員來自德甲，例如法蘭克福左翼乾貴士、紐倫堡中場清武弘嗣、漢諾威右閘酒井宏樹、禾夫斯堡防中長谷部城等等，個個喺球隊中已經獨當一面，當然唔少得曼聯嘅香川真司啦，真係人強馬壯！加拿大已經喺上一圈世盃外圍賽出局，近兩場熱身賽對美國同丹麥不勝兼食蛋，睇嚟今場都係被劏多。

阿根廷委內瑞拉捧大盤
睇完呢場友誼波，朝早起身輪到世盃外南美洲區阿根廷主場對委內瑞拉。呢場馬會開「讓球主客和」讓二球，似乎莊家十分睇好主隊。但阿根廷已經呢組內領先，買「讓球主勝」要淨勝三球或以上，我覺得唔係太抵，反而要中位數調至3.5球嘅入球大仲好。一來阿根廷近六次主場對委內瑞拉有五次開四球或以上，二來委內瑞拉暫時排第四，仍然有力爭出線。兩年前佢哋更試過以一比○爆冷贏過阿根廷，博委內瑞拉都可以取得士哥。今晚一於整條過關，日本「讓球主勝」串阿根廷大啦！

推介：日本「讓球主勝」、阿根廷大