塞浦路斯受讓發窮惡

歐洲多個國家出現財政危機，塞浦路斯成為最新一個出事嘅國家，搞到成個歐洲氣氛好差。塞國債務問題未解決，但波仍然要踢，今次喺世界盃外圍賽歐洲區E組賽事主場對瑞士，全軍上下都想打場好波振奮人心，今仗隨時發窮惡，受讓博下盤！

塞浦路斯近期成為全球焦點，當地爆發經濟危機，情況相當險峻，令全球再次關注歐洲債務問題。其實依家好多歐洲國家都面對緊債務問題，對各地球圈當然有影響啦！西班牙同意大利經濟好曳，好多球會都莫財，連出糧都係掹掹緊，重磅收購梗係愈來愈少，限米煮限飯，冇得強求咁多。

瑞士實力一般
不過，經濟問題並冇影響足球發展，西班牙保持世界一哥地位，意大利同葡萄牙等國仍然係歐洲一線隊。塞浦路斯早幾年進入飛躍進步期，擺脫魚腩本色，近年未有突破，但仍保持水準，現時國內充斥負面情緒，班球員想用足球轉移國民視線，今次對住實力一般嘅瑞士係個好機會，受讓半一至一球有利，博下盤。