利物浦韋斯咸演入球騷

英超利物浦今季似乎低開高收格局，下半季愈踢愈對辦，實力評級全面提升，主場出擊具備英超一線球隊戰鬥力，特別係進攻火力好驚人，成為大盤客長期支持對象，今輪主場對韋斯咸預期又係一場入球騷，捧大盤！(有線200及300台周日晚8時30分直播)

利物浦今季搵咗新帥羅渣士領軍後處於重整期，季初長期讓得多輸盤，令捧場客損手。經過大半季磨合之後，依家「紅軍」開始展現勁旅本色，喺主場好少甩拖，而且入球量高企，計戰鬥力拍得住幾支前列球隊。單計客場評級，韋斯咸屬英超榜尾一族，今次「紅軍」借將安祖卡路爾仲唔可以倒戈，相信利物浦可以大勝一場，大盤博得過！

卡坦尼亞主場靠得住

同日意甲卡坦尼亞主場對卡利亞里，肥叔唔止一次介紹過卡坦尼亞，呢班波真係好得人鍾意，佢哋喺主場具備意甲頂級球隊實力，但莊家只係以中游球隊評級開盤，經常都有筍盤，成為好多大戶嘅愛隊。卡坦尼亞今次對住同級球隊卡利亞里，又係搏殺好時機。

心水
利物浦 大

卡坦尼亞 上盤

森多利亞 上盤

紐卡素 上盤

昆士柏流浪 平手盤

奧沙辛拿 細