聖保羅主Ｗ好路

南美自由盃C組最後一輪賽事，其中一場為巴甲球隊大鬥法，由聖保羅主場對明尼路。先講講C組形勢，明尼路分組賽五連捷，肯定首名晉級，餘下一個晉級席位由強者、聖保羅及沙蘭迪兵工廠爭奪。聖保羅要躋身16強的話，首個條件就係擊倒明尼路。既然後者已完成任務，今場戰意肯定不足，隨時會賣個人情畀同屬巴甲嘅聖保羅，主W好值得留意。

近三仗主場贏晒明尼路
聖保羅剛啱係州聯輸畀低組別球隊派拉斯卡巴，不過球迷唔使太過介意。事關聖保羅要留力應付自由盃關鍵之戰，犧牲州聯在所難免。仲有一點要提出，就係聖保羅近三次主場對明尼路都可順利勝出，其中一場更淨勝4粒。既然賽績上有優勢，明尼路輸波又有乜出奇。老實講，聖保羅人腳真係唔差，除咗有前西維爾前鋒路爾斯法比安奴之外、前國際米蘭後衞盧斯奧及前阿仙奴中場丹尼遜現時都効力該隊，球隊有足夠力量喺關鍵之戰取得好成績，主W接近2倍都唔錯。