決賽熟晒路吼大好過

歐聯決賽萬眾矚目，投注者一面倒睇好拜仁慕尼黑，呢支德甲冠軍讓半一，部分莊家開讓一球，對一場頂級決賽而言，拜仁熱爆燈。不過要小心拜仁上屆對車路士，亦備受追捧，結果大熱倒灶，所以切忌盲目跟風，寧揀多蒙特下盤及入球大。

多蒙特有上屆車仔影子
拜仁四強兩回合大炒巴塞7蛋，成為奪冠大熱好合理，但來到決賽一場過，踢法難免比較謹慎，唔可以用佢哋平時表現作為標準。拜仁讓半一，甚至讓一球，上盤實在唔抵玩。多蒙特好有上屆車路士影子，被睇淡下過關斬將，就算重演上屆車仔奇迹，亦唔會覺得意外，受讓博得過。另外，兩隊對慣對熟，而且擁有出色進攻球員，呢場波只要有一方打開紀錄，入波應會陸續有來，大盤值得考慮。

日職方面，鹿島鹿角主場好正氣，近六次主場贏五場，小讓FC東京平半，上盤抵玩。另一場甲府風林愈踢愈差，成為長反對象，受讓都冇着數，要榜首大宮松鼠上盤。