剛贏得期待了12年的歐聯冠軍，德甲巨人拜仁慕尼黑並未有大型慶祝活動，因為全軍志切要贏埋今晚嘅德國盃決賽，成為史上首支德國「三冠王」，名留青史。拜仁今夜喺柏林奧林匹克中立場出戰史特加，計實力、近況同往績都一面倒佔優，大勝可期，「讓球主客和」讓到兩球都冇有怕，照捧2.25倍「讓球主勝」。

（無綫翡翠台周日凌晨2時直播）

拜仁贏得歐聯冠軍，由倫敦返抵慕尼黑後，慶祝活動十分克制，周二立即投入訓練，全力準備呢場德國盃決賽。執行主席路明尼加表示，目前呢支拜仁甚至超越咗74至76年連續三屆贏得歐冠嘅前輩，成為球會史上最強，路明尼加賽前更為拜仁眾將打氣：「我哋今季已經空前成功，不過仲有一個重大任務，就係成為史上首支德國三冠王！只要贏埋德國盃，就可以載入德國球壇史冊，寫下永垂不朽嘅豐功偉績。」

既然高層咁講，拜仁眾將又點會偷懶，何況呢場係今季最後一戰，亦係功勳教頭軒歷基斯告別球會嘅大日子，舒韋恩史迪加已經表明，要將一場偉大勝仗獻畀主帥。拜仁今仗冇傷冇病，「國王」列貝利停賽期滿復出，雖然丹迪同路爾斯古斯達禾缺陣，但前者有經驗豐富嘅雲拜頓頂替，後者只係後備，對拜仁戰鬥力影響唔大。

史特加今季表現同成績都令人失望，德甲以第12名過終點，次循環17場聯賽輸咗9場，失敗教頭拉巴迪亞難辭其咎。不過呢個教頭一味夠撸驗槭诽丶哟蛉霙Q賽，已經確保攞到下屆歐霸盃參賽資格，所以烏紗得保。

睇番史特加晉級過程，除首圈對第六級別聯賽球隊法肯塞芬根古外，其餘每輪都抽到主場，但先後擊敗乙組仔聖保利、科隆同波琴都唔算輕鬆，準決賽又遇上跌Watt嘅弗賴堡，入決賽認真好彩。何況拉巴迪亞嘅主攻風格一直被拜仁恰死，史特加喺佢在位後聯賽連盃賽8次對拜仁都輸晒，6次輸兩球或以上，其中三場仲開出拜仁其他贏波膽，今晚拜仁為圓三冠夢唔會留手，史特加預咗要抬蛋。