西甲上演煞科戰，隨住呢個聯賽收埋咧，歐洲主流聯賽正式告一段落，不過，嚟緊仲有好多賽事玩，U21歐國盃、洲際國家盃同世青盃等陸續上演，呢個夏天唔使怕悶。以往博彩從業員有得抖暑，家陣全年無休，都係好事嚟嘅，公司搵得多，佢哋季尾自然分得多啦！

講番今次重心推介，西甲護級形勢緊湊，尾三切爾達主場對愛斯賓奴，主隊讓到一球、球半，真係誇張，冇計啦，一隊要搏命，一隊打緊風流波，大家作戰態度咁唔同，莊家自然會調整盤口。計實力切爾達當然唔應該讓咁多啦，但佢哋今戰非勝不可，決心好大，相信愛斯賓奴唔會阻頭阻勢，估計主勝開出機會好高，上盤亦博得過！

（周日凌晨3時開賽）

同日名牌球隊巴塞隆拿主場對馬拉加，巴塞已經奪取聯賽冠軍，今場仍然要讓到球半、兩球，你估真係贏梗o架咩！巴塞周中打咗場盃賽，用上唔少主力，耗力唔少，匆匆再戰喺場例行公事讓咁多，王牌球星美斯又上 陣成疑，條件唔係好四正，唔好因為佢哋名氣大就盲目捧場。馬拉加都係西甲實力分子，發揮水準有力偷雞，呢場博下盤，兼顧入球大。

史特加下盤、大

皇家蘇斯達平手盤

西維爾大