「小狂牛」只係「搓波最強」，遇密集隨時老鼠拉龜！U21歐國盃B組分組賽，西班牙U21撼俄羅斯U21，「小狂牛」雖然人才濟濟，但舊年倫奧有辦你睇，成班球星搓波就叻，但一到心臟地帶就冇晒符；況且球隊近兩屆8戰7場開細，一於捧細！

（周五凌晨零時開賽）

西班牙近年喺國際賽有幾勁，都唔使再多講，配合巴塞「地上最強」戰術，就算到出年巴西世界盃，依然係其中一支奪標熱門。「小狂牛」上屆威爆奪標，今次力圖衞冕，被莊家捧為奪標大熱，但冠軍得嗰2.6倍實在唔抵買。事實上，去年倫敦奧邥靼嘌佬_一樣被捧到天上有地下無，嗰時更有桑馬達、查維馬天尼斯等勁人壓陣，但最後分組賽3戰不勝，仲衰到1球都入唔到，已經睇到「小狂牛」其實弱點多多，並非真係咁無敵。

睇番今次人腳，西班牙U21有「新金童」艾斯高、基斯甸泰路同堤亞高艾簡達拿等壓陣，牌面上的確幾高，但球隊依然會唔信邪，繼續用小組入楔踢法，但呢套打法已經畀對手睇穿晒，估計俄羅斯U21必用緊身攔截去化解，到時「小狂牛」係會贏晒控球率，但入波唔會多，分分鐘衰到冇波入。

俄羅斯U21人腳不俗，其中最勁當然係舊年歐國盃神射手之一迪沙高耶夫，安治前鋒史莫洛夫亦有卡士，後防舒希尼哥夫亦已係大國腳人選。「小俄軍」同大國腳一樣打法機動實際，今次被睇淡下更加啱佢哋發揮。預計戰情會幾膠着，西班牙將會繼近兩屆決賽周，以及舊年倫奧之後，繼續做「細盤王」。