U21歐洲國家盃A組第2輪比賽，以色列U21主場對意大利U21。主辦國以色列揭幕戰與挪威鬥得精彩，結果雙方打和2比2。不過，今場遇到爭標熱門之一嘅意大利，主隊應該好難攞分。預料首輪擊敗英格蘭，手握3分嘅意大利今場會全力爭勝，以求提早鎖定晉級資格，「讓球客勝」開出機會高。

（周日凌晨2時30分開賽）

以色列喺首輪賽事踢得出色，但體力消耗極大，未必可以喺短時間之內回氣，今場表現有可能會有回落，加上整體實力不及意大利，雖有主場之利，相信都冇乜着數。 

當然意大利苦戰贏英格蘭後亦係面對同樣情況，但要留意陣中大部分主力成員如聖日耳門嘅馬高華拉堤、拿玻里新星恩斯治尼等等，早已習慣喺聯賽及歐洲賽兩邊走，一周雙賽對佢哋影響唔大， 加上意大利國家隊一向慢熱，相信經過首戰贏英格蘭後，今次會有更佳發揮。頭場入球功臣恩斯治尼踢U21可謂超晒班，今場應該可盡情「騷哥利」，協助意軍贏波攞3分。瓣瓣秤先下，一於捧「讓球客勝」。