阿甲河床主場對獨立隊，上輪聯賽河床以○比二不敵小阿根廷人，演出稍為令人失望。不過今次返回主場比賽，不妨畀多次機會河床。而獨立a隊欠制敵殺着，難怪近兩場都贏唔到。河床主場出擊贏面甚高，今場先揀主Ｗ。

（周一凌晨1時15分開賽）

河床現於積分榜排前列，實力唔需要懷疑，尤其係主場賽事。河床今季聯賽八次主場錄得五勝三和不敗佳績，有良好賽績支持今場當然有機會再添勝仗。

成名於祖雲達斯嘅前法國前鋒查斯古特雖因傷提早收咧，但另一射手卡路士隆拿近況不俗，今場應可對獨立隊後防構成重大威脅。留意到獨立隊下周要出戰阿根廷盃，預料今場聯賽未必會太過積極，以免球員受傷影響盃賽部署，客隊戰意存疑，主Ｗ較為值捧。

較後時間有場高隆主場對拉費爾拿，高隆近績差係事實，但勝在主場演出好，面對拉費爾拿有一定優勢，主Ｗ可捧。最後心水係競賽會主場對小保加，兩隊近期都唔係好識入波，捧細盤啱路數。