今晚國際賽當道，中國喺北京工人體育場迎戰世界盃亞軍荷蘭最為矚目，有傳「橙軍」出場費高達90萬歐元（約920萬港元），但洛賓、史奈達同尹佩斯等球星個個身嬌肉貴，喺無關痛癢嘅商業戰唔會搏盡，而且荷蘭同中國隊實力相差太遠，呢班球星隨時叉晒腰hea住踢都似，唔好睇得橙衫軍咁高，國足奮力頑抗唔會大敗，斯維認為入球細有計。

（無綫明珠台周二晚8時直播）

嚟到暑假搵銀季節，唔單止歐洲球會，連荷蘭國家隊亦唔輸蝕展開亞洲之旅，不過之前作客3比0輕取印尼有辦你睇，悶熱天氣之下，除咗施安迪莊同洛賓稍為落力之外，其餘球星踢到懶懶閒，就連領隊尹戈爾都話，呢次出訪純粹係為咗掘金，唔好期望佢哋表現出高昂戰意。

荷蘭球員個名響噹噹，洛賓係歐聯冠軍成員、尹佩斯係英超神射手，仲有古積特、史奈達等，個個身價億億聲，明知中國隊想趁呢場波表現自己實力，肯定個個搏命去盡，呢班荷蘭球星梗係就住啦，一陣為咗熱身賽整親，影響下季咪大鑊。

相反，中國為咗呢場熱身賽，總支出超過1,000萬人民幣，呢條數蝕就蝕硬，但賽會想藉此提升中國足球知名度，點都要踢番場爭氣波，加上廣州恒大（FC廣州）四虎張琳芃、曾铡⑧嵵恰O祥都趕及復出，同心抵抗外敵，預計錫身橙衫軍就算贏波，都未必多波入，捧細盤最穩陣。