洲際國家盃殺到埋身喇！今晚A組賽事，「足球王國」巴西迎戰亞洲王者日本，為本屆賽事揭開戰幔。作為東道主兼上屆冠軍，巴西嘅世界排名已經跌到落歷史新低，令主帥史高拉利飽受非議，不過佢哋擅於將壓力轉化為動力，況且近年對賽食住日本，相信有「新比利」尼馬領軍、攻力強勁嘅「森巴兵團」可打響頭炮，「讓球主勝」捧得過。（無綫翡翠台及明珠台周日凌晨3時直播）

早前公布嘅世界排名，巴西竟然跌到落第22位，對於呢支「足球王國」而言，真係冇晒「飛士」。所謂知恥近乎勇，巴西球員都希望藉今次洲際國家盃重新「正名」，球隊於早前熱身賽主場對住剋星法國，顯示出眾將雪恥嘅決心，下半場一鼓作氣豪贈對手三蛋。「大菲」史高拉利帶咗幾場之後，逐漸勾勒出正選藍圖，以「撞城錘」費特喺禁區內開山劈石，配合尼馬、奧斯卡杜斯山度士及侯克伺機入楔，威力極強，後備席上仲有李安度達美奧、靴蘭尼斯、班納特安尼斯奧等進攻好手，令「大菲」臨場變陣有大把籌碼。

雖然巴西中路差一位具分量嘅派牌球星，但係兩邊嘅侯克、盧卡斯洛迪古斯、尼馬都係速度與技術兼備，兩閘丹尼爾及馬些路亦以出擊力強見稱，令球隊嘅側擊非常銳利。日本剛取得2014年世界盃決賽周入場券，不過佢哋近四場贏得一場，合共入得三粒咁大把，前線如前田遼一、夏雲拿、岡崎慎司嘅把握力為人詬病，中場核心本田圭佑傷愈冇耐未上力，「瀛男」正處於谷底。睇番近六次交鋒，日本僅得兩和四負，擺明畀巴西恰死，今場都係冇咝校咕S強捧有主場之利、志切踢翻身仗嘅「森巴兵團」大勝一場。