今晚續演多場世界盃非洲區外圍賽，其中Ｊ組賽事利比里亞主場對塞內加爾值得留意，塞軍雖坐擁如柏比斯施斯、迪亞美等著名外流兵，但早已不復當年勇，成班球員踢來一盤散沙，仲要讓波只係名牌效應，利比里亞仍有機會爭出線，挾住主場之利一定搏盡，「讓球主勝」不容錯過。

（周一凌晨零時開賽）

自從02年世界盃揭幕戰擊敗法國一鳴驚人後，塞內加爾成功躋身非洲勁旅行列。不過，十年人事幾番新，唔好話佢哋近兩屆世盃入唔到決賽周，就連喺非洲戰場都交唔到貨，近四屆非國盃唔係分組賽出局，就係入唔到決賽周，從世界排名跌到現今99位便知道其水準下滑不少。

塞內加爾不乏「上位」球星，好似喺歐洲搵食嘅柏比斯施斯、丹巴巴亞、迪亞美、馬美迪奧夫等，個個都獨當一面，但當佢哋聚首為國効力時，總係各自為戰，踢到一盤散沙。

事實證明，有球星未必有成績，塞內加爾近八仗未嘗一勝，當中試過慘吞利比亞四蛋，真係見到都唔開胃，今仗仲有車路士射手丹巴巴亞倦勤，進攻火力大打折扣，客勝得1.8倍，實在熱得過分。

睇番Ｊ組形勢，雖然塞內加爾仍位列榜首，但佢哋只係多包尾嘅利比里亞兩分，優勢唔明顯，利比里亞絕對有權從後趕上。今次仲唔趁有地利搏命搶分咩？加上近四次主場對住塞內加爾，有三次保持不敗，利比里亞受讓，「讓球主勝」有1.9倍非常抵玩。