今日瑞典超有兩場賽事，首先講吓哥登堡主場對佐加頓斯，兩軍上月尾於瑞典盃決賽交手，當時佐軍全場頑抗表現一流，最後射輸12碼敗不足辱。如今佐加頓斯於新帥賀格姆帶領下愈踢愈好，今次仇人見面、分外眼紅，唔會畀哥登堡好過，捧「讓球客勝」！

（周二凌晨1時05分開賽）

佐加頓斯係瑞典傳統勁旅，但近年一蹶不振，令唔少擁躉搖頭嘆息。今季佐軍請來特林素教練賀格姆掌舵，呢名挪威教頭好有料，徹底改善球隊防守，經過季初適應期後，近期漸見起色，近5戰3勝2和，其中擊敗馬模、打和AIK蘇納表現唔講得笑。雖然早前將瑞典盃拱手讓予哥登堡，但比賽過程雙方咬得好緊，佐軍雖然實力較弱，但踢落毫不輸蝕，射輸12碼冇嘢好講。呢場波大大激起球隊復仇士氣，上場面對實力分子卡爾馬，就憑大勇射手耶禾一箭定江山擸晒3分。

計牌面哥登堡當然高過對手，但近期狀態唔算好，上仗作客奧斯達衰到淨吞兩蛋，呢次主W得1.54倍冇肉食，不如捧佐加頓斯「讓球客勝」好過。

另一戰卡爾馬主場對諾高平，諾高平擺明唔係好恰，早前作客馬模幾乎贏埋，今次受讓玩得過。（周二凌晨1時開賽）