喺洲際國家盃踢得如火如荼之際，千祈唔好睇漏其他好嘢，好似瑞典超二哥艾夫斯堡狀態大勇，個個前鋒着晒火，挾住近七仗贏六場嘅餘威，主場對住降班膽加費萊，必定食住個勢爭住數胡，主Ｗ太熱冇肉食，阿King寧捧大盤。

（周四凌晨1時開賽）

貴為上季聯賽冠軍，艾夫斯堡經過「開咧」四連和之後，表現漸入佳境，近七聯賽贏六場，更怒轟十七粒，前線主力如湯蘇達貝治、拉斯尼爾遜、穆罕默德賓古拉輪流發威頻頻士哥，之前於主場豪贈布洛馬波卡納六蛋，攻力之強唔講得笑，等閒球隊難擋艾軍狂轟猛炸。

加費萊連和四場表面上幾硬淨，但佢哋作客表現打折扣，「開咧」至今六場作客未贏過，況且三線主力賓赫特臣、史雲迪臣、威廉隆甸因傷缺陣，不過雙箭頭奧路夫及奧里莫亦有一定入波能力，相信未必坐以待斃，主Ｗ熱到得1.3倍冇肉食，倒不如揀入球大。

另一場瑞典超赫根主場迎戰阿維達貝治，前者今季表現令人失望，但呢班波一向主場出戰可靠，對手阿維達貝治升班後變得守強攻弱，近五作客僅得一勝，欠缺贏波應有火力，加上近六次交手赫根錄得三勝三和不敗，上次於主場曾經大勝五比二添，擺明食住阿軍，主Ｗ靠得住。

最後美職東岸一哥蒙特利爾衝擊上仗作客不敵哥倫布機員，但表現唔太差，隨住結束連續三場作客之旅，今返主場對住侯斯頓戴拿模，一定知恥近乎勇，蒙軍嘅意大利老牌射手迪華奧連續三仗冇士哥，必定搵戴拿模出氣打破入球荒，主Ｗ有計。