本周中繼續有美職賽事上演，加拿大球隊溫哥華白帽將會主場迎戰美國芝華士。今季溫哥華白帽表現有顯著進步，尤其係主場演出極之穩定，相信今輪有望大勝美國芝華士，大盤好分過主W更值得捧場。

（周四早上10時開賽）

溫哥華白帽今季在美職仍保持主場不敗，最重要係入球率高，屬開大盤嘅利好因素之一。睇番上輪賽事，溫哥華白帽能夠反勝新英倫革命四比三，除咗話對手有球員攞紅牌之外，其實亦反影出溫哥華白帽係一支有強大入球能力嘅球隊，今次對住實力唔高嘅美國芝華士，主隊又有機會數胡。

事實白帽近五場比賽都開出大盤，球迷跟住呢條攤路追大盤應冇衰。講番美國芝華士，剛啱喺盃賽面對低組別球隊卡羅萊納鐵路鷹，雙方要鬥到加時先至分出勝負。美國芝華士經歷過一場激烈比賽後，球員體力嚴重消耗，今場未必可以及時回氣。仲有，美國芝華士今季聯賽作客落敗率都幾高，今場隨時畀對手狂數，先揀大盤。

同日舉行仲有洛杉磯銀河主場對波特蘭伐木者，洛杉磯銀河近期大跌Watt，連輸三場共失十球，輸到失晒魂，今場讓唔起對手，「讓球客勝」值得捧場。