B組首輪賽事，古巴U20先對南韓U20，今屆決賽周廿四隊中，古巴早被認定為「超級魚腩」，要喺三場分組賽取分數都有難度，預料南韓一定會好好把握贏波良機，全力向對手進攻，「讓球客勝」有分頭值得捧場。

（無綫明珠台、TVB網絡電視01頻道及now 801周五晚11時直播）

中北美洲足球水平偏低，區內除墨西哥及美國外，其他球隊都冇乜競爭力，古巴當然唔例外。加上今次係古巴首度出征世青盃，經驗明顯不足，難怪被列作奪標最冷門。「太極虎」南韓貴為2012年亞青賽冠軍，點秤都高過古巴，有力大捷，「讓球客勝」逾2倍值得留意。

同組另一場尼日利亞U20對葡萄牙U20，表面睇落「小葡萄」佔優，但今年踢過多場熱身都交唔出應有水準，今場讓波唔多抵玩。「小鷹」出名早熟，體格強健成最大賣點，受讓必捧「讓球主勝」。

（TVB網絡電視02頻道及now 810周六凌晨2時直播）