「東瀛武士」重拾血性！今晚洲際國家盃A組尾輪，兩支無緣出線球隊日本同墨西哥上演例行公事，由於大家都冇乜心理包袱，預計會踢得非常開放，不過日本上仗佔盡優勢之下僅負意大利，其咄咄逼人嘅氣勢非常恐怖，贏盡掌聲，相信呢班熱血沸騰嘅「東瀛武士」，今仗可贏波攞番個尾彩，有得受讓梗係捧「讓球主勝」。

（無綫明珠台周日凌晨3時直播）

上仗日本拿出破釜沉舟嘅贏波決心，對住歐國盃亞軍嘅意大利亦毫無懼色，全場佔到近六成控球率、共23次攻門兼有三次中柱中楣，排山倒海嘅攻勢，壓到對手有氣冇碇抖，最終欠运反輸3比4，雖敗猶榮。的確，由本田圭佑、香川真司、長谷部铡⑦h藤保仁所組成嘅中場線，擅於用傳波掌控主動權，以往略嫌佢哋過於着重控球而唔夠效率，但從上仗所見，呢班「東瀛武士」嘅熱血精神被重新喚醒，雙核香川真司及本田圭佑好似有用唔完嘅氣力，不斷製造殺機，令日本進攻如行雲流水，勁有霸氣。

其實墨西哥今屆表現唔曳，首仗幾乎守和意大利，上仗下半場壓住巴西來攻，可惜臨門一腳始終爭啲，「小豌豆」查維亞靴南迪斯腳風唔多順，表現遠遜曼聯隊友「極品壽司」香川真司，其他前鋒又唔夠級數，令到古亞達度、杜斯山度士及巴里拉嘅努力付諸東流，加上採用三後衞陣式，兩邊防守時有甩漏，面對體能極佳嘅日本全場瘋搶壓迫，隨時自亂陣腳。貴為「亞洲一哥」，日本點都想贏番場，今仗竟然有得受讓筍到爆，「讓球主勝」有買趁早。