U21歐國盃結束後，又到世青盃接力，不過呢類小朋友賽事都係小注玩吓算。東道主土耳其U20本身唔係足球強國，而且以往個底花花哋，但喺自己地頭相信會較為肉緊，今晚喺C組首戰出擊對中北美洲弱旅薩爾瓦多U20，預期會有唔少入波，捧大盤！

（TVB網絡電視01頻道及now 801周日凌晨2時直播）

土耳其近年都出現過唔少問題賽事，當地球圈始終冇乜水喉射住，監管機構透明度又唔高，容易成為不法分子嘅目標。不過，今次土耳其以主人家身份搞大賽，相信啲人都唔敢亂嚟，畢竟呢個係國際大型比賽，實有好多人(目及)實。土耳其青訓搞得唔錯，呢隊U20大軍有啲分量，對住薩爾瓦多U20讓到球半真係多咗啲，呢班波有攻力，轉玩入球大較佳。

同組哥倫比亞U20對澳洲U20，澳洲近年足甙l展平平，明顯出現青黃不接情況，新一代球員未有接班能力，今次出戰世青盃被好多行家睇淡。哥倫比亞就唔同喇，當地近年湧現大批新星，今次喺巴西同阿根廷冇份參戰之下，更要力爭成為南美一哥，決心都幾大，讓到一球個盤都好硬淨，可兼顧埋呢隻上盤。