洲際國家盃「網民甜心」大溪地，今晚開入球騷告別派對，呢支大洋洲球隊僅數字上存在出線機會，最後一場B組分組賽對烏拉圭，成為佢哋嘅Farewell Party，大家都好期待大溪地再次踢出快樂足球娛賓，全城都為佢哋打氣，力爭入球。烏拉圭只要淨贏8球，就肯定取得4強席位，勢必一開波就搶攻，鋒線三叉戟卡雲尼、蘇亞雷斯及科蘭可盡情數胡。「讓球主勝」、入球大、總入球7+、主其他波膽都熱爆燈情況下，1.42倍半場大屬最佳選擇。

（無綫明珠台周一凌晨3時直播）

大溪地好清楚實力差對手幾班波，根本冇諗過爭出線，只想盡情享受國際大賽氣氛及樂趣，入波當成贏波咁慶祝，今仗更加要把握最後機會，希望再有入球進帳，完滿告別，烏拉圭隊長後衞盧根奴停賽，大溪地爭入波隨時有機可乘。

眼見尼日利亞、西班牙大炒大溪地，烏拉圭身為南美冠軍，冇理由「小勝」咁失威。事實上，佢哋亦要爭取入多幾球，提升出線籌碼，若然尼日利亞擊敗西班牙，出現三隊同得6分，根據賽制，同分會先計得失球差，烏拉圭只要淨贏8球，就毋須理會另一場賽果都肯定出線，要達成目標，當然要盡早打開紀錄，以陣中三位前鋒卡雲尼、蘇亞雷斯及科蘭嘅級數，可輕易撕開大溪地防線。

大溪地之前兩仗上半場分別失3球及4球，今仗半場大細中位數僅2.5球，開大機會樂觀。