洲際國家盃4強戰，西班牙與意大利上演2012年歐國盃決賽翻版。去年基輔一戰，西班牙擺無鋒陣徹底KO意大利，而呢場慘敗肯定令一班意大利球員留下慘痛嘅創傷後遺症，一年後雙方再度碰頭，西班牙「地上最強」本色未減，攻擊力甚至更勝舊年；反觀意大利傷兵滿營，防線嚴重不穩，今仗想報歐國盃敗辱實在太難。強弱分明形勢下，巨高睇好西班牙有力再次以大比數輕取意軍，捧「讓球主勝」同入球大。

（翡翠台、明珠台及高清翡翠台周五凌晨3時直播）

去年西班牙在決賽以4比0擊潰意大利奪冠，事隔一年兩軍再度對陣。雖然意大利在進攻方面進步不少，但仍與西班牙有一大段距離。或者藍衣軍團如果肯採用傳統意式防守去抗衡「鬥牛勇士」，今場或許還有些少機會，奈何領隊柏蘭迪利堅持其戰術思維，講到明不走回頭路，但選擇同西班牙對攻，無疑是「以己之短、攻敵之長」，簡直自尋死路。事實上，意大利在今屆洲際盃分組賽3場失8球，反映昔日象徵意大利優良傳統的鋼鐵防線已經不復存在，雖然其中前場不乏好球員，但奈何今仗對手是控球和傳球能力獨步天下的世界1哥，相信打落戰情會與去年歐國盃決賽一樣，意軍全場被西班牙壓制，不但輸面極高，且極有機會再吞一場大敗。

更令人擔憂的是意大利耗力多且傷兵多，球隊於最後一場分組賽與巴西鬥搶攻，球員拚得太盡，體力消耗嚴重，未必夠時間回復正常水平。再加上當日有右閘阿比迪及前鋒巴洛迪利受傷，「巴神」更已提早回國休養，其缺陣對意大利打擊甚大，而兩名中場大將蒙杜利禾同派路都有傷在身，就算落到場都未必有貨交。

相反，西班牙於3場分組賽都冇受過壓力，特別係其中一場對手係大溪地，西班牙球員全場笑住踢，比平日操練更輕鬆，加上教練迪保斯基於今次賽事放棄無鋒陣，用番箭頭攻堅威力更勁，幾名射手如費蘭度托利斯、韋拿和大衞施華在強大的中場支援下，合力炮製大量入波。

老實講，當今世上已沒有一支球隊有能力逼到西班牙處於下風，而西班牙對於奪取今屆洲際盃，以完成國際賽大滿貫偉業亦志在必得，因此以現時這支意大利，實難阻對手入決賽。