「最勁三叉戟」強勢回歸，紅牛主場贏得！ 日凌晨美職獨腳戲，紐約紅牛主場鬥侯斯頓戴拿模，卡希爾同祖連奴比南布肯奴能夠復出，有佢2個幫手，亨利勢必回復最強殺傷力。戴拿模自主場金身被破後冇腳好波，強捧1.67倍主W！

（周一凌晨2時開賽）

計星味，目前美職唯一能同蒙特利爾衝擊媲美嘅，只有紐約紅牛。亨利雖已年紀一把，但超強門前把握力依然夠殺，再加埋前愛華頓「頭槌王」卡希爾，以及「森巴罰球王」祖連奴，呢個陣容真係嚇死人。不過目前紅牛排名一般，同主力周時有傷有關，祖連奴上仗坐波監停賽，卡希爾又要為澳洲國家隊上陣，今場二子齊齊復出，球隊戰鬥力必大增。

上場紅牛慘吞費城聯3蛋，睇個比數好似好羞家，但其實球隊有大半場時間係打少1個；全場紅牛攻勢不絕，仲試過食詐胡。於3連敗屈辱後，今場人腳復整，爭勝鬥心爆棚。

侯斯頓戴拿模自5月中被破主場不敗紀錄後，打後7場僅贏1仗，近3場仲衰到1球不入，狀態曳到你唔信。近4戰侯斯頓去到紅牛地頭，錄得1和3負劣績，今戰主W熱透，可以順利開出。