假土耳其舉行的世青盃今晚展開16強火併，奪標大熱門西班牙U20挾分組賽三連勝勁勢強襲墨西哥U20，後者要到分組賽最後一輪擊敗馬里U20才幸獲出線權，球隊實力明顯與「小狂牛」有距離，今仗面對強手肯定冇运行，一於捧西班牙U20「讓球主勝」。

（TVB網絡電視02頻道及now810周二晚11時直播）

西班牙係今屆世青盃唯一分組賽三戰全勝之師，盡顯王者本色。這支「小狂牛」在皇家馬德里小將謝斯洛迪古斯及巴塞隆拿小將迪路菲奧帶領下，三場分組賽合共攻入七球，火力強勁，今仗面對攻不銳守不穩嘅墨西哥U20，贏兩粒相信冇乜難度。

墨西哥晉級過程驚險，佢哋首兩場分組賽都輸波，到最後一場仗以4比1大勝馬里U20，最後以1勝2負成績成為四支最佳小組第三名其中之一，幸运取得出線資格。墨西哥喺分組賽面對希臘U20同巴拉圭U20尚且輸波，今場面對實力更強嘅西班牙隨時大敗而回。「小狂牛」着晒火讓波冇有怕，一於捧「讓球主勝」。

另一場東道主土耳其U20對法國U20，土耳其雖有主場之利，但表現略欠說服力，上仗面對弱旅澳洲U20都要先失波，其後先連入兩球反勝，得以進身16強，球隊防線演出唔算太穩陣。

法國上仗雖然不敵奪標熱門西班牙，但該仗有隊長保羅普巴停賽，實力明顯有所削弱，這名主力今仗可以復出領軍，法國齊腳之下，戰鬥力肯定提升不少，對住東道主都有力反客為主，捧法國U20客Ｗ。

（TVB網絡電視02頻道及now810周三凌晨2時直播）