女子歐國盃今晚揭幕，A組主辦國瑞典女足迎戰丹麥女足，瑞典屬於女足強國，兩年前獲得女子世界盃季軍，陣中猛將如雲，包括効力法國勁旅里昂女足嘅射手舒蓮。瑞典相隔16年再次舉行呢項賽事，當然要把握地利優勢爭標，首仗更加不容有失，必定全力爭取打響頭炮，炒得起陪跑分子丹麥女足，捧「讓球主勝」。

（now 633及635周四凌晨2時30分直播）

歐洲女足勢力，由德國、瑞典、挪威三強鼎立，德國超班已取得女子歐國盃五連冠。

瑞典過去五屆亦有四屆至少打入四強，當中兩次屈居亞軍，並唔失禮，最重要係今屆有主場之利，大大增添爭標本錢。加上瑞典女足又抽到好籤，同組對手只係丹麥、意大利、芬蘭，全部都唔入流，正好可趁機爭取大勝振聲威。丹麥女足過去兩屆都係分組賽出局，難成氣候，今仗輸少當贏。