本周中繼續上演歐霸盃第一圈外圍賽次回合，瑞典超代表馬模將主場對愛爾蘭球隊杜希達。馬模喺今季聯賽表現良好，盡顯強者本色，相信今場可以大炒對手，「讓球主勝」必捧。

（周五凌晨1時開賽）

歐霸盃外圍賽球隊實力參差，好多球隊都來自水平較低聯賽，比如馬爾他、法羅群島、安道爾等等，當地足球發展緩慢，部分仲係半職業性質，去到歐洲賽場好難有機會突圍，愛爾蘭球隊杜希達亦唔會例外。再講，杜希達近況只屬一般，球員狀態令人質疑，飛往瑞典作賽就更顯弱勢。實在以馬模嘅歷史背景及歐洲賽經驗，於第一圈外圍賽簡直係虎入羊群，預期呢支瑞典名牌會以大比數挫敵，「讓球主勝」開出機會極高。

同晚較早時間舉行仲有愛沙尼亞球隊利維迪亞主場對威爾斯球隊巴拉城，留意到利維迪亞攻力唔強，連續兩場都交唔到入球，要撕破巴拉城大門有一定難度。巴拉城首回合贏1比0，次回合作客應會縮後防守以保持領先優勢，料今場入球唔會多，細盤可留意。

最後一關挪威球隊洛辛堡主場對北愛爾蘭十字軍，大盤較為可取。洛辛堡屬其中一支北歐球隊，戰鬥力唔使懷疑。加上近期無論喺盃賽或聯賽都保持多場不敗，今場贏面極高。十字軍首回合喺主場都敵唔過洛辛堡，今次作客令形勢更糟，隨時會以大比數落敗，中位數3.5球照捧大盤。