今晚雖然只有五場賽事，但阿King仍然搵到好嘢；挪超華拉倫加近期戰績不錯，今仗遇上正處於弱勢的漢福斯，就算華拉倫加要作客出戰都有力全身而退，阿King今仗捧「讓球客勝」。

（周六凌晨1時開賽）

華拉倫加近期表現不俗，已連續七仗未嘗一敗，球隊面對的對手分別有前列分子維京和桑恩達，亦有近期狀態不斷冒升的莫迪，可見華拉倫加已完全擺脫早前的反覆狀態回復最佳水準，今仗就算作客亦有力一戰。

漢福斯連續兩仗主場出戰，理應在地利上有所佔優，不過球隊狀態則不敢恭維。漢福斯上仗主場面對聯賽作客六連敗的白蘭恩，只能逼和對手搶回一分，球隊同時已連續五場未嘗一勝，狀態明顯處於低潮，今仗面對實力與狀態皆比自己優勝的華拉倫加，就算有主場之利都難言惡，捧「讓球客勝」。

其他賽事方面，法甲班霸巴黎聖日耳門近期內部立立亂，新帥白蘭斯又未摸清球隊，加上主力伊巴謙莫域及拿維斯續缺陣，作客維也納迅速未必能順利贏波，捧「讓球主勝」。美職球隊美國芝華士近期加強防務，作客蒙特利爾衝擊及FC達拉斯都有分落袋，證明戰術成功，今仗續於客場出戰費城聯，相信仍會大打穩守突擊戰術，捧細盤。