今晚有成30場波，其中挪超班霸洛辛堡已經連續14場未輸過，當中更取得11場勝仗，近期表現可說氣勢如虹，就算周中有歐霸盃後顧都未驚過，今仗主場面對作客表現平平的奧特格寧蘭有力大勝一仗，阿King捧「讓球主勝」。

（周一凌晨1時開賽）

洛辛堡上仗聯賽擊敗利尼史特朗後，繼續向爭標對手史卓加斯特施壓，球隊已連續9場聯賽未嘗一敗，似乎已發揮出真正實力。洛辛堡周中雖要進行歐霸盃外圍賽次圈賽事，但對手只是蘇格蘭球隊聖莊士東，相信洛辛堡今仗於主場出擊絕不會留力。

奧特格寧蘭已經連續4場聯賽保持不敗，不過球隊能夠反彈某程度係因為接連面對實力較弱的對手，今仗作客要面對近期勢頭甚勁的洛辛堡，隨時變成炮灰，捧「讓球主勝」。

其他賽事方面，巴甲排第二的哥列迪巴雖然連續兩場賽事贏唔到，但球隊今季主場表現出色，更錄得四連勝，今仗面對尾二的帕拉尼恩斯有力重開勝門，捧主隊。美職方面，白帽今季主場錄得7勝4和未輸過的成績，今仗面對作客表現平平的火燄有力延續佳績，捧主隊。