德乙剛開鑼即連場好戲,今晚柏林聯主場迎戰波琴值得留意。柏林聯保留上季大部分球員,唔需要太多時間去磨合,季前熱身賽一撻即着未嘗敗績,當中包括大勝兩支蘇超球隊登地聯及些路迪,表現令人刮目相看,睇得出眾將狀態已經上晒力。相反,波琴今夏失去天才新星哥列斯卡,呢位小將擅於組織攻勢,亦具備遠射腳頭,潛力無限,因此贏得「新波歷克」美譽,可惜佢已經轉投史浩克04,從熱身賽嚟睇,波琴仲未搵到哥列斯卡嘅最佳接班人,令隊波進攻陷於群龍無首困局。
德乙剛開鑼即連場好戲,今晚柏林聯主場迎戰波琴值得留意。柏林聯保留上季大部分球員,唔需要太多時間去磨合,季前熱身賽一撻即着未嘗敗績,當中包括大勝兩支蘇超球隊登地聯及些路迪,表現令人刮目相看,睇得出眾將狀態已經上晒力。相反,波琴今夏失去天才新星哥列斯卡,呢位小將擅於組織攻勢,亦具備遠射腳頭,潛力無限,因此贏得「新波歷克」美譽,可惜佢已經轉投史浩克04,從熱身賽嚟睇,波琴仲未搵到哥列斯卡嘅最佳接班人,令隊波進攻陷於群龍無首困局。
柏林聯喺自己地頭一向sharp醒,上季十七仗贏十場,贏波場數僅次於同市球隊哈化柏林,證明呢班波係靠主場搵食,加上近四次對波琴贏咗三次,擺明食住對手,一於博佢哋打響頭炮。
(周日晚9時30分開賽)
0/500字
热门产业资讯