英超星战大球场

　　2013巴克莱亚洲锦标赛今晚在大球场爆发，3支星光熠熠的英超劲旅曼城、热刺及新特兰，联同港甲冠军南华捉对厮杀，争入周六的决赛，观星指数爆晒灯!头场热刺硬撼新特兰，超级巨星加里夫巴利因伤缺阵，令一向靠佢食胡嘅热刺顿变冇牙老虎，面对勤操勐练嘅新特兰，随时遭滑铁卢;尾场南华主场迎战劲旅曼城，两军咁啱都换咗新帅，但曼城球星如云，耶耶托尼、拿斯尼、迪斯高等级数都赢几条街，加上已归队嘅领队比歷连尼刚丁母忧，众将都想以一场胜仗作为慰问，相信南华即使死守都难逃大败。

　　加里夫巴利因伤缺阵

　　头场热刺先斗新特兰，计牌面热刺高啲，但该队一向靠晒王牌加里夫巴利单天保至尊，但呢位威尔斯球星今仗因伤肯定缺阵，况且佢哋之前热身赛表现麻麻，相反新特兰喺「狂人」教头迪肯尼奥带领下备战认真，来港后勤操勐练逐渐上力，趁加里夫巴利唔出得，仲唔拚尽争胜入决赛咩?

　　(now 621、632及香港电台数码35台周叁晚6时直播)

　　狂人加操谷状态

　　热刺队中王牌加里夫巴利无疑係焦点，但领队保亚斯喺昨日记招传来噩耗，话呢位威尔斯国脚仍有伤，为安全起见今晚唔会派佢落场，但希望可赶及喺周六嘅决赛日披甲。保帅强调新特兰唔易应付，上季联赛两战对手都赢得惊险，其中煞科日主场迎战「黑猫」之役狂攻无果，直至末段先靠加里夫巴利神来之笔嘅远射奠胜。

　　其实昨日巴利仔都有乘大军巴士到大球场，不过就冇落场同队友操练，睇嚟係喺更衣室疗伤，令在场球迷非常失望。热刺近况亦麻麻，之前两场热身赛对史云顿及高车士打都係和波，球员明显未操起。新特兰比热刺早一日抵港，但「狂人」主帅迪肯尼奥备战态度相当认真，到埗即练操两粒鐘，前日更一日操两课，个个练到身水身汗似足军训，睇得出「狂人」想尽快谷起球员嘅体能。

　　黑猫新兵有料到

　　虽然新特兰新兵较多，磨合需时，但迪肯尼奥强调会在今次赛事全力搏杀，新季目标唔单止係护级，希望能踢出悦目足球。讲到同乡新兵基亚卓尼利，迪帅大讚佢係世上最佳球员之一，未来会以呢位意国新星做重心，而呢位中场球员可任中路及边路位置，活力十足，能为硬桥硬马嘅「黑猫」带来创造力，加上另一新兵艾迪杜里质素唔曳。估计「黑猫」可凭较弗状态打低热刺，跻身周六决赛争盃。

　　赛事资料

　　地点：香港大球场

　　赛事：热刺Vs新特兰(晚上6时)、曼城Vs南华(晚上8时30分)

　　票价：$500、$350、$300、$250及$150(学生及长者特惠票)

　　註：尚余少量门票于大球场发售

　　更多资讯请访问彩世界：http://www.1396.me/