印尼明星隊變英超點心

　　車路士亞洲之旅第三站去到印尼，今晚會搵印尼明星隊練靶。車仔已適應亞洲炎熱天氣，預計眾將會喺莫帥面前拚盡爭取表現，印尼明星隊面對狂轟猛炸隨時散晒，車仔「-3」，斯維照捧「讓球客勝」。

　　(亞視國際台周四晚9時30分直播)

　　車仔之前熱身賽對泰國同馬來西亞明星隊贏晒，球員逐漸上力，上仗一班小將如盧卡古、域陀摩西斯、貝特蘭查奧爾、奇雲迪布尼非常Sharp醒。由於車仔陣容太鼎盛，莫連奴希望透過熱身賽，給予每個球員機會，因此連續兩仗上下半場進行大輪換，相信今仗佢都會咁做。上季被外借到西布朗嘅盧卡古，今夏返到車仔特別落力，始終前線有費蘭度托利斯及丹巴巴亞等球星助陣，雖然今仗先列後備，但呢位比利時魔獸想喺新季獲得器重，仲唔趁亞洲之旅騷下哥利畀莫帥睇咩?

　　對阿仙奴利物浦失九球

　　雖然另一位比利時新星奇雲迪布尼因傷已返英國，但車仔嘅火藥庫仲有夏薩特、舒賀爾尼等存貨，唔愁冇火力。相比車仔之前對過嘅泰國及馬來西亞明星隊，今仗對手印尼明星隊真係弱過藥煲，該隊近期先後出戰英超嘅阿仙奴及利物浦，結果輸晒失夠九粒，其中更被兵工廠大炒7比0，除咗前阿德萊德聯射手沙治奧雲迪克，印尼其餘球員均屬烏合之眾，難擋鬥心十足嘅「黃金戰車」進襲，斯維認為車仔今仗可予取予攜，「讓球客勝」不容錯過。

　　更多资讯请访问彩世界：http://www.1396.me/