踏入八月各國聯賽先後開咧，蘇超、荷乙及阿甲亦揭開戰幔，其中蘇超獨腳戲由升班馬巴特里主場迎戰登地聯，巴特里喺甲組就也文也武，但升上蘇超必定踢得小心翼翼，而登地聯仍未操弗，作客可勝不穩，阿King認為今仗隨時係悶波一場，轉玩入球細好過。

　　(周六凌晨2時45分開賽)

　　貴為上季蘇甲盟主，巴特里表現所向披靡，尤其在主場全季只係輸過一仗咁大把，不過蘇超係另一個世界，上季戰績不能作準，一般升班馬會以護級為先，希望盡快搶夠分，所以會用穩打穩紮嘅踢法同對手周旋，上季嘅羅斯郡係最佳例子，初段以固若金湯嘅防守，頻頻搶到分打好基礎，巴特里自知實力稍遜，亦未適應蘇超嘅比賽節奏，季初踢得偏向保守亦無可厚非。

　　登地聯季前賽未上力

　　登地聯係蘇超嘅中堅分子，並喺季前熱身賽贏過韋根，不過從比賽所見，球員狀態仍未上力，攻守轉換速度偏慢，雖然登軍實力勝一籌，但始終「季初病」未愈，今仗作客要讓平半，屬可勝不穩格局，都係睇定啲先。翻查紀錄，發現兩軍交鋒經常「細眉細眼」，近六次對碰全開細盤，面對缺態嘅登地聯，巴特里嘅頑強防守可頂得兩嘴，預計今仗士哥都係一球起、兩球止，細盤乃不二之選。

　　至於荷乙開鑼日幸哐_主場對迪加史卓普，幸运薛達熱身賽表現欠佳之餘，近年對碰亦輸多贏少，平手盤梗係揀迪軍喇。最後阿甲葛度爾古斯主場火併小阿根廷人，葛度爾古斯上季季尾突然跌Watt，令粉絲大為失望，新季志切一洗頹風，備戰積極，誓搵小阿根廷人開刀打響頭炮，主勝有計。